"ADAGIU" DI NATALI

• Si ‘ncumincia ill’antipastu,
• ri ddu’ primi un sulu assaggiu,
• milli i sicundi e già su’ lestu,
• ‘a me’ panza grira: “Adagiu!”
  

  
  

• Pi sorbettu lu finocchiu
• forsi è megghiu ru furmaggiu
• e dopu jeu, fora malocchiu,
• cu fichi e nuci vaju adagiu.
  

  
  

• “Pigghia ‘u turruni e li petrali”,
• cerca ancora ‘u nonnu saggiu,
• “Pirchì se no, non è Natali,
• ancor c’è tempu, iati adagiu!”
  

  
  

• Pi finir, cafè e amaru,
• pi digeriri su’ ‘n vantaggiu,
• ma ormai non c’è riparu,
• ‘a panza è china adagiu, adagiu.

• Sul dopu ‘n pranzu eccezionali,
• forsi pinsamu a cu’ stà peggiu,
• pirchì pi tutti oggi è Natali:
• ‘st’auguri mandu ‘i Rriggiu.

‘U SINDICU CUNTENTU*

• Nta ‘na notti comu tanti,
• lu pinzeru sulu vai
• a cu’ non rindiu pisanti
• li so’ tanti e grossi guai.
  

  
  

• A ‘n omu miti, saggiu, onestu
• da la facci propria ruci,
• ch’ ‘i carattiri era tostu
• ma chi mai jazava ‘a vuci.
  

  
  

• Ogn’ ostaculu ha ‘ffruntatu
• sempri seriu e sorridenti
• fu da tutti ben vulutu,
• ra ggenti povira e putenti.
  

  
  

• O’ so’ postu, sempri prontu,
• trasmittiu ‘u so’ curaggiu
• e pi chistu è oggi un vantu
• di lu populu di Rriggiu.
  

  
  

• Rumpiu vecchi cumparati,
• senza ‘mbrogghi sutta bancu,
• barau sulu e’ risultati,
• di lottari mai fu stancu.
  

  
  

• Nda ott’ anni di lavuru
• poi fu spessu cuntrastatu
• ma alla fini, da lu scuru,
• Rriggiu ‘a testa ha jazatu!
  

  
  

• Omu finu d’intellettu
• truvò iddhu la manera
• di finiri ‘u so’ progettu:
• fù pi Rriggiu primavera.
  

  
  

• Ma nu corpu malandrinu,
• nda nu caddu jornu ‘i ‘stati,
• ‘ccumunau lu so’ distinu
• a chiddhu bruttu ri malati.
  

  
  

• Giuntu a’ fini ra so’ vita,
• pirchì ebbi la Chiamata,
• la lizioni ch’ ha ‘mpartita
• nuddhu ancora l’ha scurdata.
  

  
  

• Oggi Rriggiu è stracangiata,
• non è cchiù ‘na cosa’ i nenti,
• finalmenti è rispittata
• in Italia e in Cuntinenti.
  

  
  

• Sì, ‘u so’ cielu non è scuru
• è chinu ‘i stiddhi luccicanti,
• oggi chiaru è lu futuru
• p’ ‘a città e i so’ abitanti.
  

  
  

• E d'arretu di ‘na stiddha,
• chi ndi varda, in firmamentu,
• nc’è ‘na facci: propria chiddha
• di lu Sindicu, cuntentu!
  

  
  * In ricordo di Italo Falcomatà