LA SCUOLA PRIMA DI INTERNET: 2° PUNTATA

Viaggio semiserio tra i ricordi di scuola, nell'epoca pre-internettiana e pre-mms, quandu non c'era la possibilità di documentare con filmati o immagini le valentizze scolastiche compiute dagli alunni o le stranezze dei professori. Eppuru, il materiale (se nd'aviti, mandatilu) di certo non mancava.....

'A BARUNA E 'A CASCIA RI FICA SICCHI

Cuntinuamu a raccontarvi altri episodi legati alla mitica figura dell'indimenticato e indimenticabile Prof. Alberto Buccafurri.
Di seguito, ecco altri aneddoti che ho avuto modo di raccogliere in questi giorni e che meritano di essere raccontati.

- Il primo giorno di scuola. E' sicuramente il giorno che tutti (o quasi) ricordiamo con piaciri, a maggior ragione se 'u primu prufissuri chi viriti è proprio quello di cui tutta la scuola parla.
'U Prufissuri, appena trasutu in classi, 'rrancata la borsa supra 'a cattedra, facendu chiaramenti intendiri quali doviva essiri la priorità assoluta per i neoalunni, annunciò con vuci proclamanti: "Oggi è lunedi e c'è fisica!".

-'U boi non vai in sicunda. Passati già 'na pari di misi dopo il primo iorno di scola e avendo avutu sentori della particolari fama ru Prufissuri, anche gli alunni ru primu annu cercavano di prenderlo bonariamenti in giru, facendu versi 'nimaleschi duranti la lizioni. Nel campionario animale, tra i più gettonati, c'era 'u versu ru boi:muuuu!
'U Prufissuri, non si scomponiva di certu davanti a queste ingenue imitazioni e, mentri cuntinuava a spiegari comu si scompuniva una forza in due direzioni, esclamava a mo' di minaccia:" 'U boi non vai in sicunda!".

-Botta di... gissu. Oltre agli imitatori di 'nimali, c'erunu ovviamenti puru chiddhi -solitamenti all'ultimu bancu- chi non truvandu di megghiu da fari, si pigghiavunu a botti di gissu per i motivi più disparati.
'U Prufissuri, per farli smettere, individuato il responsabili, diceva loro, saggio: <<Pirchì non ti 'mpari 'a fisica, inveci mi ti pigghi a botti 'i gissu ch' i cumpagni arretu!?>>

-Partitura a due mani. Un chiaro segno della genialità ru Prufissuri, era il modo particolare con il quale illustrava alla lavagna i concetti ra fisica.
Vistutu di tuttu puntu con il suo vistitu niru, cu 'na manu scriviva i formuli (velocità, accelerazioni, ecc.) e cu l'autra, disegnava contemporaneamenti il relativo grafico (rette, parabole, ecc.). E tali era la so' maistrìa, e la so' cunfirenza culla materia (di sicuru 'a chiamava 'i "tu"), chi pariva pi ddaveru un pianista.
Naturalmenti, appena finuta la spiegazioni, quandu si voltava di nuovo versu gli alunni, 'u Prufissuri s'aiva cumbinatu comu a San Girolimu: 'u vistitu ch'era niru, aiva 'ddivintatu iancu di gissu, megghiu chi se lavatu ca varichina.

-'A za' Margherita. La fisica, si sa, non è materia liggera. Pirciò, nelle lunghe lezioni putiva capitari chi a 'n cacch' unu nci scappava d'andari o' gabinettu.
Un iornu, la cosa capitò a un'alunna ru Prufissuri.
'A signurina, poiché non ci 'a faciva cchiù, domandò più d'una volta il permesso per poter andare in bagno, ma 'u Prufissuri, cuntinuandu la lizioni, rispundiva sempri: "Non si nesci!".
All'ennesima richiesta da parti della stessa figghiola, poiché 'a maricchieddha era oramai in lacrime, 'u Prufissuri, per non sintirla ciangiri, resusi cuntu chi non era pi finta (comu spissu facivunu 'i masculeddhi), esclamò:"Oh signurina, mi pariti a me' za' Margherita! Peepeepee! Avanti, iti o' bagnu, forza! E tu -rivolto alla ragazza che sedeva a fianco della 'maricchieddha- 'ccumpagnila. In dui, comu e' Carbuneri!".

-La dettatura degli esercizi: Calcolari... Un episodio particolare, rimasto nelle menti -e nei scianchi- di chi l'ha vissuto direttamenti e tramandato fino ad oggi, è quello che riguarda la dettatura di un esercizio di un compito in classe.
Trattandusi di fisica, il 99% delle tracce che 'u Prufissuri sparmentava nel so' ciriveddhu e chi spissu e vulinteri dettava in dialettu riggitanu, cuminciava sempri con:"Calcolari...."
Un iornu, appena 'u Prufissuri era prontu a dettari, quei figghi di bona mamma degli alunni, cridendu di fargli 'nu scherzu, si iazaru addritta e tutti in coru griraru con quantu sciatu aivunu nte prumuni:"CALCOLARI...!".
'U Prufissuri però, contrariamenti a quantu cririvunu l'alunni, non si fici pigghiari 'i sorpresa, e a vuci ancora cchiù iata, replicò pronto: "NO! DETERMINARI...!"
Scoppiò 'na risata generali e, 'n cacch'unu addirittura aippi a fuiri fora, tinendusi 'i scianchi...

-'A Baruna e 'a cascia ri fica sicchi. Arrivati all'ultima interrogazioni dill'annu, 'u Prufissuri era solitu aiutari tutti, specialmenti cui, magari, duranti l'annu aviva zuppicatu nu pocu.
Se nci risdpundivi bonu all'ultima interrogazioni, era dispostu a cancellari i voti brutti e mi ti duna 'a materia. Se no, come detto nella prima puntata, ti dava appuntamentu... o' tempu 'ill'uva.
'Na vota, davanti a un alunnu chi non 'rrinisciva mi rispundi pi nenti, nonostanti li domandi fussiru facili, 'u Prufissuri si firmò, lu vardò nta facci e nci rissi: "Ora ti cuntu nu fattu." Narrò la seguente parabola.
"Nc'era 'na vota nu Baruni, ca Baruna. Ogni matina, 'u Baruni si iazava, si vistiva, si priparava, pigghiava cappeddhu e bastuni e, salutata la mugghieri, si ndi nisciva.
Appena 'u Baruni partiva, 'a Baruna 'ncarricava la fidata cambarera di iri a chiamari o' cumpari, vicinu di casa, mi veni mi.... si pigghia 'u cafè.
'Na matina però 'u Baruni -va viri a cu pinzava!-, si spirdiu cappeddhu e bastuni e pirciò turnau arretu.
'A cambarera, chi faciva 'a guardia ra finestra, subitu fuìu ad avvertiri la Baruna dell'imprevistu ritornu del maritu.
Pigghiata di schiantu, 'a Baruna tirò fora 'a cascia ri fica sicchi chi tiniva sutta o' lettu (ddhi belli letti iati di 'na vota) e nci dissi: " 'Zzicchiti ccà 'intra!". Quindi 'ccuminciò a spingirlu ca facci cuntra e' fica sicchi, chiurendu la cascia e rimintendula o' postu.
Quandu 'u Baruni trasìu pi salutarla, 'a Baruna fici finta 'i nenti, comu se nenti fussi, tantu i virgogni erunu 'mmucciati sutta o' lettu."
Poi, rivolto all'alunno,concluse dispiaciuto: "Ora, viri, ieu ti spingiu, ti stivu, ti stivu, ma tu nta cascia non vo' trasiri!"

*N.B.: In ricordo del Prof. Alberto Buccafurri -II parte

**P.S.:Ancora un ringraziamento a Leo per la "consulenza storica"

LA SCUOLA PRIMA DI INTERNET: 1° PUNTATA

Viaggio semiserio tra i ricordi di scuola, nell'epoca pre-internettiana e pre-mms, quandu non c'era la possibilità di documentare con filmati o immagini le valentizze scolastiche compiute dagli alunni o le stranezze dei professori. Eppuru, il materiale (se nd'aviti, mandatilu) di certo non mancava.....

NDI VIRIMU O' TEMPU 'ILL'UVA! [alias RU ZIBIBBU!] *

'A scola finìu. Tra pochi iorna ci saranno i verdetti:promossi, bocciati e chi dovrà ricuperari i debiti.
Comu? Debiti? Eh sì, pari chi ora puru i figghioli chi vannu a scola hanno i loro bei debitucci. Malanova chi tempi! Con la nuova riforma scolastica, liberamente ispirata alla tecnica bancaria (tantu, ormai sunnu i banchi chi cumandunu), oltre ai crediti formativi -vali a diri 'i materii che ti tocca sturiari- nci sunnu puru i debiti formativi.
Forsi -pinsaia ieu- li chiamano debiti per fare abituare i ragazzi a quello che li aspetta una volta diventati adulti.
Ne parlavo qualche iorno fa cu ddu' prufissuri, i quali mi hanno riferito chi 'sti 'mari 'ndebitati, a' fini d'agostu, dovranno sostiniri appunto una prova di virifica, per appurari si hanno saldato il loro debito con...l'ignoranza.
'Na vota si chiamavunu esami 'i riparazioni, per i quali si viniva rimandati a settembri.

E proprio pinsandu a questa circustanza, mi vinni in menti un grandi ed indimenticabili prufissuri di fisica, che hanno conosciuto anche diverse generazioni di scigghitani chi hannu frequentatu l'I.T.G. "A. Righi" di Reggio.

Personalmenti, non l'ebbi comu prufissuri, ma i suoi metodi "eccentrici" e alquanto alternativi, sono oramai divenuti vere e proprie leggende.
Per raccontare tutti questi episodi -tutti reralmente accaduti, ma sicuramente in parte oggetto di enfatizzazioni tipiche dei racconti tramandatisi per via orale- nci vulissi un intero sito e pirciò mi limiterò a ricordarne solo qualcuno. Per i motivi di cui sopra, mi scuso fin d'ora per eventuali inesattezze.

-'A 500. Il suo mezzo personale di trasporto era 'na Fiat 500 ('i chiddhi 'i 'na vota), che però non poteva certo essiri normali. Infatti, il sedile lato passeggero era 'na seggia 'i barberi, con tanto di poggiatesta.
Dovete poi sapiri che, quandu finivunu 'i lizioni, non c'era iornu chi 'a truvava aundi l'aviva lassatu, poiché 'sta 500 viniva letteralmenti scapulata dagli alunni giù per la discesa chi ru Trabucchettu 'rriva finu a Reggio Campi, in un'originale applicazione pratica delle leggi fisiche che regolano il moto di un corpo ('a 500) su un piano inclinato ('a calata, appuntu).
Un'altra variante era quella chi viriva la 500 girata di traversu, a bloccari 'u trafficu.

-Leggi del moto, aerodinamica e... traiettoria nto corridoiu. Ogni matina, 'u Prufissuri 'rrivava a scola cu stessu vistitu niru gessatu, giacca e cravatta e, sutta o' brazzu, 'na borsa portadocumenti ca cernera. Aviva 'na caminata strana, chi però non era dovuta a un difettu fisicu, bensì a un precisu studiu di aerodinamica e leggi del moto applicate. Pari chi 'u fundu ra borsa fussi pisanti e dotatu di impugnatura particolari, in manera da equilibrari la piegatura del corpu (tipu Valentino Rossi) nell'affrontari la curva a 90° chi conduciva in sala prufissuri.
Non basta. Tali piegatura era 'ccumpagnata da un allargamentu di brazza tipu aeroplanu (aviti presenti a Vincenzino Montella? copiau ru Prufissuri), cusì da tagghiari l'aria e permettiri una veloci percorrenza del corridoiu ed un arrivu in perfettu orariu per l'iniziu ra lizioni.

-'U scudu marinu e 'a machina ra scherma. Cchiù 'i 'na vota, nel periudu estivu, è stato avvistatu nel nostru mari scigghitanu, mentre andava 'i Munacina o' Casteddhu nuotando con una strana attrezzatura. No, non erunu né pinni, né maschiri, né salvagenti. 'U prufissuri 'nnatava cu nu scudu speciali che -a detta so'- sirviva a fendere meglio le onde, in modo da eliminare la resistenza del fluido marino.
Altre prodezze degne di nota erano quelle chi 'u Prufissuri nostru compiva cu 'na speciali machina che si era costruito in ambitu casalingu: 'a machina ra scherma. Era nu marchingegnu contro il quali 'u Prufissuri incrociava la propria spada, con risultati chi però non dovivunu essiri tantu boni, vistu chi, dopu ogni sfida, si prisintava a scola cu mani e brazza tagghiati e/o singhiati dalla machina chi iddhu stessu aviva 'mbintatu.

-Le proporzioni e Mennea. Interrogazione di fisica, con calcoli da eseguire su apposito foglietto da firmare e consegnare perchè fosse tenuto come fonte di prova da presentare ai colloqui con i genitori, ai quali però non andava mai nessuno, per non sentirsi regolarmenti chiamari "Sceccu!" davanti a mamma e papà.
Per farsi un'idea preliminare sulle capacità intellettive dell'alunno di turno, poneva una semplice domanda: "Quantu pisi?" Risposta:" 50 kg." Proporzione: "5 grammi 'i ciriveddhu!"
Seguivano semplici esercizi da risolvere, tipu: "Se Mennea curri 100 metri in 10 sicundi netti, tu [riferito all'alunno di turno], cu nu motorinu SI Piaggio di 50 cc., a chi velocità ha iri mi 'rrivi a para?" [risposta: 36 km/h senza ventu e senza considerari l'attritu ra pista].

- 'A viristu 'a scintilla? Prova di laboratorio sull'elettrostatica (o qualcosa di simili). 'U Prufissuri, sempre in gessato nero con giacca e cravatta, girava 'na manuvella che azionava 'na specii di rota, la quali stricandu cuntra altra superfici 'nduruta, produciva 'na scintilla. Gli alunni, mi si passunu 'u tempu, si mettono d'accordo, da perfetti calabrisi:"Figghioli, se ndi spìa, nuddhu vitti nenti."
U' Prufissuri 'ccumincia a macinari e, a 'n certu puntu, scoppia 'na scintilla -cu tantu di fumu. 'U Prufissuri, si ferma e spìa: "'A viristu 'a scintilla!?" gli alunni in coro calabrisi: "No, non vittimu nenti". Insomma, la cosa andò avanti per tre o quattro volte, con il professore che, sempre più preoccupato e sudato -quasi al limite dell'infarto, per lo sforzo sostenuto- chiedeva continuamente: "'A viristu 'a scintilla?". Alla fine, sconfortato dalle risposte sempre negative, il Professore si convinse chi ddha machina non valiva cchiù nenti e chi l'avrebbi dovuta cangiari.

- I compiti in classe e...'a giardinera. Quando si svolgevano i compiti in classe, 'u Prufissuri si mintiva supr' 'a porta o faciva quattru passi in corridoiu, rimanendu comunqui nelle vicinanze. Di tantu in tantu, il silenziu veniva rotto da qualche spiritusu che faceva dei versi, pronunciando il suo nome. 'U Prufissuri turnava subitu arretu e perentorio, con voce rabbiosa minacciava: "Mi pari a mia chi a 'n cacch'unu 'u bocciu!". Poi, se capitava ch'era ura di ricreazioni, mentri l'alunni ittavunu sangu ampestru a...Mennea, 'u Prufissuri 'llargava 'u fazzulettu ('mpaddhatu e già sciusciatu), iapriva 'a borsa ri documenti e nisciva...pani ca giardinera sutt'ogghiu. E bon' appitittu!

-Ndi virimu o' tempu 'ill'uva! [alias ru zibibbu!.] Arrivava la fine dell'anno e dopo l'ultima interrogazione, 'u Prufissuri dava i suoi responsi. Chi durante l'anno aveva studiato, bene (ma erunu pochi). La maggior parte, che faticava a seguire i suoi metodi alquanto particolari, viniva rimandatu a settembri, all'esami di riparazioni."Mi dispiaci.......[alunno di turno], dincillu a to' patri. Ndi virimu o' tempu 'ill'uva!" [alias ru zibibbu!]

*N.B.: In ricordo del Prof. Alberto Buccafurri.

**P.S.:Un ringraziamento agli amici Nino e Leo per la "consulenza storica"

LA FESTA DELLA REPUBBLICA

A U G U R I !

Auguri a tutti, italiane e italiani.

Dumani, 2 giugno, è la festa nazionali. Nci sarà la sfilata di tutte le Forze Armate, reparti, mezzi, ecc. ecc. davanti al Presidenti della Repubblica e alle altre cariche istituzionali, che applaudiranno impettiti.
A prima pinzata, potrebbe sembrari 'na cosa inutili, 'na pacchianata senza sensu, ma ambeci, non è propria accussì.

In realtà, è la rappresentazione in breve della nostra storia. E' un momento particolare, anzi, il momento.

La iurnata in cui ci si rende conto di quantu simu furtunati. Sì, furtunati a viviri nta 'n Paisi chi -pur chinu di cosi storti- ci ha dato la possibilità di essiri libiri d'esprimiri tuttu chiddhu chi ndi passa pi l'anticamira ru ciriveddhu, ma sempri rispittandu la Leggi.

Magari nessuno di noi ci pensa, ma tutto ciò è stato scritto in maniera chiara, diretta e precisa, nella Legge fondamentale dello Stato italiano: la Costituzione.
E siccome, purtroppo, troppo spesso ce ne scordiamo e nte scoli ormai non s'impara cchiù (almeno non in tutti i tipi di scuola), mi piaci ricordare proprio oggi chiddhu che dici il primo articolo:

"L'Italia è una Repubblica democratica, fondata sul lavoro. La sovranità appartiene al popolo, che la esercita nelle forme e nei limiti della Costituzione."

Sono due righe appena, ma che esprimono in maniera completa quello che siamo.
Ora, pur non essendu né 'vvucatu, né prufissuri di dirittu, cercherò di spiegari chiddhu chi, sicundu mia, vonnu significari 'sti paroli.

Repubblica vol diri chi l'Italia è 'na cosa chi 'pparteni a tutti nui: masculi, fimmini, figghioli, giuvini, vecchi, belli, brutti, lisci o rappati.
Democratica vol diri chi cu' ndi guverna e nd' amministra lo fa per espresso mandato ricevutu dal popolo sanu. E nto populu, cuntunu tutti alla stessa manera: a partiri dal Presidenti, finu all'ultimu abitanti di Pantelleria.

Ma tutti 'sti belli cosi, questa piena libertà -dici la Costituzione- non sunnu nu rialu chiuvutu du cielu, ma si fondano e sono il frutto del sacrificio di ciascunu di nui autri, attraverso il nostro lavoro. Che non è solo un diritto ma, è bene ricordarlo a tutti ddhi schini lisci chi si 'ncuntrunu peri peri, è soprattutto un dovere, il fondamento appunto, della nostra civiltà.

Infini, la sovranità, cioè il potere originario è sempri del popolo che, però, non poti fari chiddhu chi nci pari e piaci ma è soggetto a un solo controllo. Non quello di un'autorità soggettiva, ma il controllo oggettivo operato attraverso le Leggi, diretta emanazione ed esplicitazione dei principi dettati dalla Costituzione.

Certo, come ha detto il Presidente Napolitano, dopo più di 60 anni, è necessario qualche adeguamento; è necessario salvaguardare questi principi che, a dire il vero, alcune leggi recenti hanno un pochino "annacquato" (vedi legge elettorale, per esempio). E' però un'operazione che bisogna fare insieme, tutti quanti, guardando avanti, cioè facendo in modo che i problemi di oggi non si ripercuotano sulle generazioni future.

E Carlo Azeglio Ciampi, ex Presidente della Repubblica (nonché ex Governatore della Banca d'Italia, Ministro del Tesoro -padre dell'Euro- ed ex capo del Governo), ha invitato gli italiani praticamenti a 'rrussigghiarsi dall'apatia e dallo scunfortu che sembra avriti pigghiatu lu nostru Paisi, che -dici Ciampi- deve ritrovare l'orgoglio. Quale migliore augurio?

Sugnu sicuru chi dumani, videndu sfilari a passu di marcia tutti ddhi banderi triculuri, chini di nastri e di mbragghi 'mpinduti, 'u cori ndi batterà cchiù forti.
Bona festa a tutti!