A RRIGGIU

• Mi truvava aieri a Rriggiu,
• in pienu centru, oh chi misteru!
• Sì, chì ‘i Roma pari peggiu,
• puru senza ‘n Ministeru.
• Nta ‘stu paisi sbinturatu,
• ch’i città pari ‘na speci,
• ogni purtusu era ‘ntasatu,
• ma eran circa…quasi ‘i reci.
• Vardu avanti, in luntananza,
• c’è ‘na machina chi sbanda:
• non v’è dubbiu di faglianza,
• è l’onnipresenti Panda!
• Sugnu arretu, è longa ‘a fila,
• centu metri nta menz’ura
• e cu’ poti si la spila,
• tagghia dalla ‘ccurciatura.
• Cusì recupiru ‘u svantaggiu,
• a pocu a pocu m’avvicinu.
• Sugnu calmu, non m’arraggiu,
• di pacenzia sugnu chinu.
• Viru ‘a Panda ch’è guidata
• da ‘na ‘gnura di bon pisu,
• chi ri pulici è pigghiata,
• nisciu paccia all’improvvisu.
• Nto sedili non sta’ para,
• mentr’ ‘a ggenti arretu ‘spetta,
• si vota e gira, oh sciumara!
• comu a ‘na cutuletta.
• Ieu ‘a viru ru specchiettu
• e non mi teni la natura
• sì, ‘u sacciu, è un me’ difettu,
• già mi smovi ‘a nerbatura.
• Schiccia, ferma, poi riparti,
• par’ ch’ ‘a Panda avi ‘a tussi
• e a sparti, non cuntenta,
• blocca puru l’autobussi.
• Varda supra e varda sutta,
• non si sapi chi pirdiu
• e poi nta facci quant’ è brutta!
• fatti ‘i latu, Santu Diu!
• E’ propriu ‘na mala iurnata
• pi cu’ è arretu di ‘sta Panda:
• sentu allur ‘na gran sunata,
• nu cuncertu senza banda!
• Ma poi si cheta, ‘a prisuntusa,
• ‘u so’ pulicìu sbenta,
• com’ ‘i ‘na figghia dispittusa
• quandu ‘a mamma l’accuntenta.
• ‘N saccu ‘i traficu pi nenti
• e infin la ‘gnura vulinteri,
• surda a tutti li lamenti,
• si cacciau a menz’ e’ peri.
• ‘A scustumata si ndi iau
• e di nenti fici finta,
• mancu scusa ndi circau,
• facci tosta, brutta e tinta!