24 aprile 2011

NOTTI ‘I PASCA

 

cero

Chista è la notti ch’è la cchiù scura,

chi ru niru cchiù niru amprima si tingi,

ddha petra ‘i sepurcu è pisanti, è dura,

è mortu ‘u Signuri e ‘u cori ti stringi.

 

Chista è la notti chi ritorna alla menti

com’ ‘a vita, ‘u mundu, tuttu è iniziatu:

ru scuru alla luci si passau nta nenti,

nta la piccula fiamma d’un focu ddhumatu.

 

Chista è la notti chi con emozioni,

liggendu li setti sacri scritturi,

si ricorda l’omu la so’ creazioni

e l’impegnu pigghiatu cu nostru Signuri.

 

Chista è la notti ch’ ‘u Signuri rissi

chi d’ogni curpa nui sim’ libirati,

si rinnova ‘u battiscimu, li nostri prumissi,

biniritta esti l’acqua chi lava i piccati.

 

Chista è la notti chi schiarisci, chianu,

‘chì Cristu, murendu, la morti ha sconfittu.

E’ la notti chi signa p’ogni cristianu,

pi la so’ vita un novu tragittu.

 

Nta chista notti, oh Cristu, mortu,

la nostra fedi, fa sì chi rinasca.

In cielu è andatu, in gloria risortu,

passata è la notti di la Santa Pasca.

Nessun commento: