08 marzo 2012

VOGGHIU M’E’ IORNU

image  

Cchiù di notti non dormu,
no, cchiù nenti mi 'nzonnu,
sulu mi vardu attornu
e mi spiu: comu ponnu?


Comu ponnu campari e gioiri,
nta 'stu mundu chi li fa soffriri?
Comu ponnu la forza truvari
se 'u mundu avanti non li fa iari?
Comu ponnu nta menti aviri
soluzioni pi tuttu
e tuttu putiri?


Cchiù di notti non dormu,
'u sonnu è 'n ingannu,
sulu mi vardu attornu
e mi spiu: comu fannu?


Comu fannu sempri a sapiri
in anticipu i mossi? cu' lu sa' diri?
Comu fannu sempri a pinsari
prima di mia chiddhu ch'ha fari?
Comu fannu sempri a capiri
chi haiu nto to' cori
e 'u me' cori scopriri?


Cchiù di notti non dormu,
e n'o' fazzu apposta,
sulu mi vardu attornu
in cerca 'i risposta.


Poi vardu fora e ddhà la trovu,
'a risposta, infini, in cielu la scovu.
La donna è un misteru persu
nto spaziu luntanu dill'universu.
Sì, com' o' suli sapi brisciri
e dar forza a lu mundu
e lu mundu rriggìri.


Cchiù di notti non dormu,
di 'nzunnar non mi firu.
Donna,
vogghiu m'è iornu,
vogghiu 'u suli mi viru.



VOGLIO CHE SIA GIORNO

Di notte non dormo più,
non sogno più niente,
mi guardo solo attorno
e mi chiedo: come possono?

Come possono vivere e gioire
in questo mondo che le fa soffrire?
Come possono trovare la forza
se il mondo non le fa andare avanti?
Come possono avere in mente
soluzioni per tutto
ed esser capaci di tutto?

Di notte non dormo più,
il sonno è un inganno,
mi guardo solo attorno
e mi chiedo: come fanno?

Come fanno sempre a sapere
in anticipo le mosse? Chi lo sa dire?
Come fanno sempre a pensare
prima di me quel che devo fare?
Come fanno sempre a capire
cos'ho nel cuore
e il mio cuore scoprire?

Di notte non dormo più,
e non lo faccio apposta,
mi guardo solo attorno
in cerca di risposta.

Poi guardo fuori e lì la trovo,
la risposta, infine, in cielo la scovo.
La donna è un mistero perso
nello spazio lontano dell'universo.
Sì, come il sole sa sorgere
e dare forza al mondo
e reggerlo il mondo.

Di notte non dormo più,
sono incapace di sognare.
Donna, voglio che sia giorno,
voglio vedere il sole.













Nessun commento: